​Атырауда әкімдік аппаратына жаңа орынбасар тағайындалды

Өңірлік кадр резервінің мүшесі Саян Меденов аппарат басшысының орынбасары қызметіне кірісті. 

Ол 1994 жылы 2 қаңтарда дүниеге келген. Жәңгір хан атындағы Батыс Қазақстан аграрлық-техникалық университетін «мұнай-газ ісі» және «экономика» мамандықтары бойынша тәмамдаған.

Еңбек жолын 2016 жылы Махамбет ауданы әкімі аппаратында бастаған. 

Әр жылдары ұйымдастыру және жұмылдыру дайындығы, төтенше жағдайлар, мемлекеттік қызмет сапасын бақылау бөлімдерінде бас маман болып жұмыс істеді. 

Кейін аудан әкімінің кеңесшісі және аудандық ұйымдастыру, жұмылдыру және төтенше жағдайлар бөлімінің басшысы қызметін атқарды.

2023 жылдан бастап облыс әкімінің аппаратында еңбек етіп, инспекторлық және ұйымдастыру бөлімдерінде қызмет атқарды. Соңғы тағайындауға дейін өңірлік даму және мониторинг бөлімін басқарды.

Бүгін, 13:43