Атырауда емделушінің аузына металл түсіріп алған тіс дәрігері оған құсуға кеңес берген

Жеке клиникада тіс емдеу кезінде дәрігер пациент әйелдің аузына металл саптаманы түсіріп алып, әйел оны жұтып қойған, – деп хабарлайды Aikyn.kz сайты azh.kz сайтына сілтеме жасап.

Зардап шегушінің айтуынша, тіс дәрігері жедел жәрдем шақырмай, заттың “өзінен-өзі шығуы” үшін құсуға кеңес берген. Бұл көмектеспеген соң, әйел облыстық ауруханаға барған.

Дәрігерлер рентген мен гастроскопия жасап, асқазаннан бөгде затты анықтап, оны медициналық қысқашпен алып шықты.

Пациент e-Өтініш порталы арқылы денсаулық сақтау басқармасына шағым түсірді.

Ведомство «АЖ» сауалына жауап бере отырып, бұл жағдай олардың құзыретіне кірмейтінін, өйткені тіс емханасы жекеменшік екенін хабарлады.

Атырау облысы стоматологтар қауымдастығының Үйлестіру кеңесінің төрағасы Құрал Тішбаев мұндай жағдайлар өте сирек кездесетінін, алайда осы оқиғадағы дәрігердің әрекеті мүлдем жол берілмейтінін атап өтті.

«Дәрігердің манипуляцияны жалғастырып, 103 қызметін шақырмауы өрескел қате. Зат кішкентай болса да», — деп түсіндірді ол.

Пациент енді өзінің өтінішіне жауап күтіп отыр.