​Атырауда қосымша білім беру төлемдері​ 1 желтоқсаннан бастап төленбек

Мектеп оқушыларына қосымша білім беруге қатысты жағдай туралы "АЖ" жарияланымынан кейін облыстық білім басқармасы редакцияға ресми түсініктеме жолдады.

Атырау облысында балаларға арналған қосымша білімге бірыңғай мемлекеттік тапсырысты (бұдан әрі БМТ) орналастыру жөніндегі пилоттық жобаны іске асыру туралы Атырау облысы әкімдігінің 2025 жылғы 2 қазандағы №204 қаулысы бекітілді.

Қаулыға сәйкес, БМТ бюджеттік әкімшісі ретінде Атырау облысы Білім беру басқармасы айқындалды.

Бұған дейінгі спорттық және шығармашылық тапсырысты жүзеге асырған сәйкесінше облыстық спорт және туризим, мәдениет және тілдерді дамыту басқармасында жүзеге асырылған «Даму бала» жобасына бөлінген қаражат қалдығы осы қаулыға  және облыстық мәслихаттың  2025 жылғы 23 қазандағы №190-VII шешіміне сәйкес Білім беру басқармасына аударылды.

Білім беру басқармасының 2025 жылғы 11 қарашадағы міндеттемелерді жүктеу туралы бұйрығына сәйкес пилоттық жобаның іске асырылуы басқарманың «Білім беру ұйымдарын қаржыландыру және бцифрлық технологиялар» коммуналдық мекемесіне жүктелді.  

Бүгінгі күні мекеме облыстық спорт және мәдениет басқармаларынан қазан айындағы атқарылған жұмыстардың актісі мен табельдерін жинауда. Ақпарат толықтай тапсырылғаннан кейін 1 желтоқсаннан бастап қазан айы үшін төлемдер төленетін болады.

Айнұр САПАРОВА

Бүгін, 17:44