Атырауда төтенше жағдайлар департаментіне 91 арнайы көлік сатып алынды

Атырау облысының төтенше жағдайлар департаментінің арнайы техникамен қамтамасыз ету деңгейі 82,8 пайызды құрайды, деп жазады Egemen.kz.

Департаменттің имидждік жұмыс және сыртқы коммуникациялар тобының мәліметіне қарағанда, қазір департаментте 245 техника, 38 жүзу құралы, 23 аспалы мотор бар. Ал биыл жергілікті бюджеттен 91 техника, 1 жүзу құралы, 10 мотопомпа сатып алынған.

«Биік ғимараттарда болуы мүмкін төтенше жағдайларды жоюға фин өндірісінің VEMA автосатысы қолданылады. Бұл сатымен 70 метр биікке көтеріліп, 500 килоға дейінгі жүкті көтеруге болады. Су мен көбік беруге арналған заманауи жүйемен жабдықталған», деп хабарлады департаменттің имидждік жұмыс және сыртқы коммуникациялар тобы.