Атыраудағы Жағалау күзетінің ғимараты апатты жағдайда тұр

Мәжіліс депутаты, «AMANAT» партиясы фракциясының мүшесі Бақтықожа Ізмұхамбетов Атырау қаласы Дамбы ауылында орналасқан Ұлттық қауіпсіздік комитеті (ҰҚК) Шекара қызметінің Атырау облыстық департаментіне қарасты Жағалау күзеті дивизионының жеке құрамымен кездесті, деп жазады Egemen.kz.

Фото: «AMANAT» партиясы

Кездесуге Мәжіліс депутаты Абзал Құспан, облыстық ардагерлер кеңесінің төрағасы Мұрат Өтешов, «AMANAT» партиясы Атырау облыстық филиалының төрағасы Абдолла Идресов және облыстық мәслихат депутаты Жеңіс Әбілқарес қатысты.

Басқосу барысында мемлекеттік шекара күзетінде тұрған бөлімшенің материалдық-техникалық жағдайы талқыланды. Атап айтқанда, Жағалау күзеті пайдаланатын әкімшілік-тұрмыстық ғимарат 1980 жылы салынған бұрынғы балабақша ғимараты екені, техникалық қорытынды бойынша нысан апатты жағдайда тұрғаны айтылды. Ғимарат қолданысқа берілгеннен бері жөндеу жұмысы жүргізілмеген. Жауын-шашын күндері ғимарат төбесінен су ағып, пайдалануға жарамсыз күйге түскен.

Кездесуде Мәжіліс депутаты, «AMANAT» партиясы фракциясының мүшесі Бақтықожа Ізмұхамбетов әскери қызметтің мәні мен маңызына тоқталды.

«Мемлекет басшысы жуырда «Turkistan» газетіне берген сұхбатында әскери қызметтің абырой-беделін көтеру және еліміздің қорғаныс қабілетін арттыру мемлекеттің басты басымдығының бірі екенін айтты. Президент атап өткендей, «Сарбаз болу – өзіңді дамыту үшін тың мүмкіндіктерге ие болу деген сөз. Отан қорғау – еліміздің әр азаматының ең қастерлі борышы. Мемлекет қауіпсіздігін, ел мен жер тұтастығын қамтамасыз ету – баршаға ортақ міндет. Сондықтан жастар қауымы сапалы әскери даярлықтан өтуге тиіс. Біз бұған ерекше көңіл бөліп келеміз. Әскердегі тәртіп мәселесін жіті қадағалаймыз. Әскери қызметшілердің әлеуметтік жағдайы да назардан тыс қалмайды», деді ол.

Айта кетейік, 2024 жылы Бақтықожа Ізмұхамбетов осы мекеме ұжымымен кездесу өткізіп, бірқатар күрмеулі мәселені көтерген болатын. Соның нәтижесінде дивизиондағы көлік тұрағы жаңғыртылып, қайта салынды. Биыл құны 17 млн теңгені құрайтын жөндеу жұмысын бастау жоспарланып отыр.

«Теңізшевройл» Атырау жылу электр орталығына газ жеткізуді тоқтата ма?

Кездесу барысында ҰҚК Шекара қызметі Атырау облыстық департаментінің Жағалау күзеті дивизионының командирі Фархад Мирманов мекемеде жүзеге асырылып жатқан жобалар туралы баяндап, шешімін күткен түйткілді мәселелерге тоқталды.

Өз кезегінде Бақтықожа Ізмұхамбетов көтерілген мәселелер шешімін табуы үшін уәкілетті мемлекеттік органдармен бірлесіп, тиісті жұмыс жүргізілетінін атап өтті.

Еске салайық, кеше Мәжіліс депутаттары, «AMANAT» партиясы фракциясының мүшелері Мұрат Әбенов, Мархабат Жайымбетов және Мұрат Ергешбаев Қызылорда облысына жұмыс сапары кезінде жергілікті «Эко такси» отандық сервисінің жұмысымен танысып, Президенттік саябақты қайта құру барысын тексерді.

Соңғы жаңалықтар

Астана әлемдегі ең қауіпсіз 100 қаланың қатарына енді

Елорда • Бүгін, 16:23

Ұлытау облысында «Заң мен тәртіп» қағидаты аясында семинар өтті

Заң мен Тәртіп • Бүгін, 16:18

Жетісуда ЖИ арқылы жалған чек жасаған үш жасөспірім әшкереленді

Қоғам • Бүгін, 16:15

Vogue басылымы Қазақстанды 2025 жылғы ең үздік 14 бағытқа қосты

Туризм • Бүгін, 16:00

СҚО-дағы шалғай ауылда Creative IT Center ашылды

Digital • Бүгін, 15:41

Атырауда жоғалған отбасы: Күйеу баласы мен қызына халықаралық іздеу жарияланды

Аймақтар • Бүгін, 15:34

Шымкент аспанында екі ұшақ соқтығыса жаздады

Төтенше жағдай • Бүгін, 15:20

«Үлкен жетілік» саммиті кейінге шегерілді

Әлем • Бүгін, 15:13

Крещение рәсімі: Астанада қай орындарда суға түсуге болады?

Елорда • Бүгін, 15:03

«Астана» ең үздік сұрмергенін сататынын хабарлады

Футбол • Бүгін, 14:50

Президент АҚШ-пен келіссөз жүргізетін арнайы өкілді тағайындады

Саясат • Бүгін, 14:46

Атырауда «Аңсаған сәби» бағдарламасымен 467 әйел сәби сүйді

Аймақтар • Бүгін, 14:30

Психологиялық қолдау орталықтарына былтыр қанша адам жүгінді?

Қоғам • Бүгін, 14:25

Зейнетақы есебінен емделуге өтінімдер қабылдау тоқтатылды

Экономика • Бүгін, 14:11

Дәрі-дәрмектер мен медициналық қызметтердің тізбесі ҚҚС-тан босатылды

Қоғам • Бүгін, 14:01

Барлық жаңалықтар