Әуежайда жоғалған багажды тез табу жолдары

Багаждың жоғалуы - жиі кездесетін әрі күйзеліс пен қосымша шығын әкелетін мәселе. 1st Move International мамандары багажды тиімді қорғауға көмектесетін нақты тәсілдерді түсіндірді, - деп хабарлайды Tengritravel.kz тілшісі Daily Express-ке сілтеме жасап.

Багаждың жоғалуы - жиі кездесетін әрі күйзеліс пен қосымша шығын әкелетін мәселе. 1st Move International мамандары багажды тиімді қорғауға көмектесетін нақты тәсілдерді түсіндірді, - деп хабарлайды Tengritravel.kz тілшісі Daily Express-ке сілтеме жасап.

Мамандар не ұсынады? Сөмкенің ішіне байланыс деректері мен сапар бағыты жазылған қағаз салыңыз

Мамандардың айтуынша, бұл - жоғалған жүкті тез табудың ең сенімді жолдарының бірі. Чемодан ішіндегі ақпараттық қағаз сыртқы жапсырма жоғалған немесе бүлінген жағдайда да иесін анықтауға мүмкіндік береді.

Қағазда көрсетілуі тиіс:

толық аты-жөніңіз; телефон нөмірлері (жергілікті және халықаралық); e-mail; сапар бағыты: күні, рейс нөмірлері, баратын қала.

Ақпарат неғұрлым нақты болса, багажды тез табу мүмкіндігі соғұрлым жоғары.

Төзімді әрі көзге түсетін жүк белгісін қолданыңыз

Мамандардың айтуынша, жапсырма неғұрлым берік әрі ерекше болса, басқа жолаушының жүкті шатастырып алу қаупі азаяды.

Маңызды кеңестер:

ескі жапсырмаларды қолданбаңыз, олар жүйені шатастыруы мүмкін; тек өзекті байланыс деректерін жазыңыз; жыртылмайтын, тығыз материалдан жасалған белгілерді таңдаңыз. Ұшар алдында чемоданды суретке түсіріп алыңыз

Көп адам елемейтін, бірақ өте пайдалы кеңес. Жаңа сурет:

әуежай қызметкерлеріне багажды тез табуға көмектеседі; арыз жазғанда чемоданның нақты сипаттамасын көрсетуге мүмкіндік береді; зақым келсе, бұрынғы күйін дәлелдеуге сеп болады.

Суретті толық көрінетін етіп және қажетті бөлшектерді (сызықтар, жапсырмалар, тігістердің түсі) жақыннан түсірген жөн.

Трекер орнатыңыз

Ақпараттық құрылғылар жоғалған багажды табу мүмкіндігін айтарлықтай арттырады.

AirTag сияқты шағын Bluetooth-трекерлер iPhone-ға қосылып, Find My жүйесінде заттың орналасқан жерін көрсетеді. Оны чемоданның ішіне салып қою жеткілікті.

Багаж жоғалып кетсе не істеу керек?

Ең бастысы - сабыр сақтау. 1st Move International басқарушы директоры Майк Харвидің айтуынша, бірден әуекомпания қызметкерлеріне және клиенттерге қызмет көрсету бөліміне хабарласу керек.

Багаждың жоғалғаны әуежайдан шықпай тұрып тіркелуі тиіс. Қызметкерлер PIR (Property Irregularity Report) толтырады, бұл ресми іздеу процесін бастайды.

Арыз бергенде чемодан туралы барынша толық ақпарат көрсету қажет:

түсі мен өлшемі; маркасы; ерекше белгілері; трекердің болуы; тұтқалар, құлыптар, жапсырмалар саны.

Майк Харви багаж жоғалған немесе кешіктірілген жағдайда сақтандыру полисін тексеруді де ұсынады. Чектерді сақтап қойған жөн — багаж кейін табылса да, шығындардың көп бөлігін сақтандыру компаниялары өтейді.

Саяхат қызықтары мен пайдалы ақпаратты Instagram және Facebook парақшаларынан оқи аласыз!