Ауғанстан Пәкістанның ядролық нысандарына соққы берді

Ауған БАҚ-тары Пәкістандағы әскери нысандарға әуеден соққы берілгенін хабарлады. Соққылар Пәкістанның әскери академиясы орналасқан Абботтабад қаласының маңына және жергілікті БАҚ «ядролық полигон» деп атайтын нысанға жасалған, деп хабарлайды Arasha.kz.

Ауғанстан Қорғаныс министрлігі бұл шабуылдардың Ауғанстан аумағына жасалған соңғы соққыларға жауап екенін мәлімдеді. Қаза тапқандар мен жараланғандар бар, зардап шеккендер ауруханаларға жеткізілуде. Жаңалық жарияланған сәтте Пәкістан тарапынан ресми мәлімет түскен жоқ.

Айта кетейік, соңғы күндері Ауғанстан мен Пәкістан арасындағы шекарада қақтығыстар күшейген.

27 ақпанға қараған түні Кабулда жойқын жарылыс болды. Ауғанстан елдің әуе кеңістігіне кірген Пәкістан ұшағын атып түсіргені хабарлануда.

Сол кезде Пәкістан Қорғаныс министрі Хаваджа Асиф Ауғанстандағы «Талибан» қозғалысына «ашық соғыс» жариялаған болатын.