Аустралияда заңсыз рептилия контрабандасы үшін рекордтық мерзім берілді

Бұл елде жабайы табиғатты заңсыз саудаға салғаны үшін берілген ең ұзақ түрме жазасы болып отыр, деп мәлімдеді Аустралияның Климат өзгерісі, энергетика, қоршаған орта және су ресурстары министрлігі.

Тергеу деректері бойынша, рептилиялар Гонконг, Румыния, Оңтүстік Корея және Шри-Ланкаға пошта арқылы жіберілген. Жануарларды посылкаларға, попкорн қаптарына, печенье банкілеріне және әйел сөмкелеріне жасырып жіберген. Кейбір жіберілген заттар әшкере болғаннан кейін, құқық қорғау органдары күдіктінің үйін тінтіп, онда тағы жүздеген рептилия табылған.

Ұсталған жануарлар арасында – батыс көктілді кесірткелер, сақалды дракондар, қылқұйрықты сцинктер, қалқанты кесірткелер және басқа да жергілікті қорғалатын түрлер бар. Барлығы заңмен қорғалады, ал Аустралияда жабайы табиғатты заңсыз экспорттау әрбір құқық бұзушылық үшін 10 жылға дейінгі бас бостандығынан айырумен жазаланады.

Министрліктің мәліметіне сүйенсек, контрабандалық схема 2018–2023 жылдар бойы жұмыс істеген. 15 затты жіберуге басқа да адамдар қатысқан – қылмыстық топтың үш адамы қазірдің өзінде сотталған.

Аустралия әлемдегі заңсыз рептилия саудасының негізгі орталығы болып қала береді. 2021 жылғы ұлттық қоршаған орта есебіне сәйкес, елде әлемдегі барлық рептилия түрлерінің шамамен 10%-ы тіршілік етеді, олардың 90%-ы эндемиктер. Сол жылы Рождество аралындағы орман сцинкі жабайы табиғатта ресми түрде жойылғаны тіркелген.

Соңғы жылдары федералдық билік жабайы табиғаттың заңсыз айналымына қарсы күресті күшейтті. 2023 жылғы маусымнан 2025 жылдың басына дейін шекарада 200-ден астам жөнелтілім ұсталып, ішінен 780 жабайы жануар табылған. Осы кезеңде осындай қылмыстар бойынша ұсталғандар саны үш есе көбейіп, тәркіленген жөнелтілім саны 5,5 есе артқан.

Аустралиядағы Климат өзгерісі министрлігі құрылымында биоалуантүрлілікті қорғау бойынша арнайы басқарма құрылған, ол құқық қорғау органдарымен бірлесіп заңсыз сауданы анықтау және тоқтату бағытында жұмыс істейді.

Осыған дейін Аустралия кеме жасау зауытын құруға қомақты қаржы бөлетінін жазғанбыз.