Ауыл шаруашылығы санағы аясында 1 миллион үй шаруашылығы сұралды

АСТАНА, 11 қазан - Sputnik. Қазақстанда ауыл шаруашылығы санағының офлайн кезеңі қарқынды түрде жүріп жатыр.

Қазіргі кезде еліміз бойынша 1 миллионнан астам үй шаруашылығы сұралды.

Ұлттық статистика бюросының хабарлауынша, ауыл шаруашылығы санағы интервьюерлерінің ең көп саны Түркістан облысында жұмыс істейді. Өңірде офлайн кезең аясында 441 интервьюер санақ жүргізеді.

© Photo : Национальное бюро статистики КазахстанаАуыл шаруашылығы санағы аясында 1 миллион үй шаруашылығы сұралды

Ауыл шаруашылығы санағы аясында 1 миллион үй шаруашылығы сұралды

© Photo : Национальное бюро статистики Казахстана

Түркістан облысы еліміздің ең тығыз қоныстанған өңірі. Қазақстанның 1,6 миллион үй шаруашылығының ішінде ауыл шаруашылығы санағынан өтуі тиіс 262 мың шаруашылық бар. Бұл 804 елді мекен, 177 ауылдық округ және жеті қала.

Қазақстан бойынша санаққа барлығы 3,2 мыңнан астам интервьюер тартылды. Олар күнделікті тұрғындарды аралап, сауалнама жүргізеді.

"Бұл іс - шара ауыл шаруашылығының жай-күйі туралы сенімді деректер жинауға және болашақта неғұрлым тиімді шешімдер қабылдауға мүмкіндік береді", - деп атап өтті Ұлттық бюро.

© Photo : Национальное бюро статистики КазахстанаАуыл шаруашылығы санағы аясында 1 миллион үй шаруашылығы сұралды

Ауыл шаруашылығы санағы аясында 1 миллион үй шаруашылығы сұралды

© Photo : Национальное бюро статистики Казахстана

Ұлттық статистика бюросының басшысы Мақсат Тұрлыбаев жұмыс сапарымен Жамбыл облысына барып, санақ барысымен танысты.

"Еліміз бойынша 1 миллионнан астам үй шаруашылығында сауалнама өткізіп шықтық. Қазір 3 мыңнан астам интервьюер тұрғын үйлерді аралап жүр, соның ішінде Жамбыл облысында шамамен 200 интервьюер еңбек етуде. Әрқайсысы планшетпен және GPS-трекермен жабдықталған", – деді Ұлттық статистика бюросының басшысы.

© Photo : Национальное бюро статистики КазахстанаАуыл шаруашылығы санағы аясында 1 миллион үй шаруашылығы сұралды

Ауыл шаруашылығы санағы аясында 1 миллион үй шаруашылығы сұралды

© Photo : Национальное бюро статистики Казахстана

Айта кетейік, өңірде 60 мыңнан астам үй шаруашылығы санақпен қамтылған, бұл жоспарланған көлемнің 74% -і.