Автокөлік пен жүк тасушылар алаяқтарға алданып жатыр: министрлік ескерту жасады

АСТАНА, 22 желтоқсан – Sputnik. Ішкі істер министрлігі азаматтарға автокөліктер мен жүктерді тасымалдау кезінде алаяқтардың құрбаны болып қалмауды ескертіп жатыр, деп хабарлайды Polisia.kz.

Азаматтар логистикалық платформа қызметтері арқылы автомобильдер мен әртүрлі жүктерді жіберу кезінде алаяқтардың құрбаны болып жатыр.

"Тапсырыс берушілер мен автокөлік жүргізушілері танымал Della және Fa-Fa.kz қызметтерінде автомобильдер мен жүктерді тасымалдау туралы хабарландырулар орналастырады, көбінесе Алматы қаласы мен Алматы облысынан республиканың басқа өңірлеріне тасымалдау қажет болады. Осыдан кейін хабарландыру жазған адамның WhatsApp мессенджеріне алаяқтар хабарласады. Өздерін тапсырыс берушілерге автокөлік жүргізушісімін деп, ал жүргізушілерге тапсырыс берушімін деп таныстырады", - дейді полицияда.

Екі жақтың сеніміне кіріп, алаяқтар жүкті тасуға келіседі. Әрі қарай, қаладан шыққан соң жүкті қолды етеді. Осыған байланысты ІІМ азаматтарға мынаны ескертті:

жүргізушінің жеке куәлігін және көлік құралының құжаттарын мұқият тексеріңіз;

сізге хабарласқан жүргізушінің абоненттік нөмірін хабарландыруда көрсетілген нөмірмен салыстырып тексеріңіз;

қозғалыс бағыты мен жүктің соңғы келу пунктін алдын ала анықтаңыз;

жүргізуші туралы ғаламтор пікірлерді зерттеңіз.

"Егер сізде күмән туындаса, құжаттардағы сәйкессіздіктер немесе басқа күдікті сәттер табылса, қызметтен бас тартыңыз және бұл туралы 102 телефоны бойынша дереу хабарлаңыз немесе жақын жердегі полиция бөлімшесіне хабарласыңыз. Бұл алаяқтық схемаларды уақтылы анықтауға және зиянкестерді жауапқа тартуға көмектеседі", - дейді полиция өкілдері.