Автолизинг: шекті мөлшерлеме 15% ке дейін төмендеуі мүмкін

Бүгіннен бастап елде автолизинг бағдарламасы іске қосылады. Өнеркәсіп және құрылыс министрлігі жылдық шекті мөлшерлемені 36%-ке дейін бекітті. Бұған дейін 45%-ке дейін естептелген еді. 

Бағдарламаның мақсаты – автокөлікті сатып алуды қолжетімді ету. Лизингтің автонесиеден айырмашылығы көлікті алғашқы жарнасыз әрі несиесіз ұзақ мерзімге жалға аласыз. Келісімшарт мерзімі аяқталғанда темір тұлпарды қайта өткізуге немесе қалған берешегіңізді өтеу арқылы сатып алуға болады. Арнамызға сұхбат берген Мәжіліс депутаты Олжас Құспеков: «автолизинг бағдарламасы бойынша шекті мөлшерлеме 15%-ке дейін төмендеуі мүмкін», – дейді.

Олжас Құспеков, ҚР Парламенті Мәжілісінің депутаты:

- Эксклюзив ақпарат айтайын. Бастапқыда мөлшерлеме 45% деп бекітілді. Қазір автонесиенің өзі 45%. Біз оны 36%-ке дейін төмендеттік. Кейін автосалондармен, екінші деңгейлі банктермен, лизингтік компаниялармен кеңесіп, шекті мөлшерлемені 15%-ке түсіруді қарастырып отырмыз. Нарық бұл бағытқа көшуге дайын. Мемлекеттік органдар тарапынан да ұсыныстар болды.