Банкрот кәсіпорындардағы жалақы берешегі 53,7 млн теңгеге жетті

Оның айтуынша, қазіргі кезде мұндай кәсіпорындардағы 169 қызметкердің еңбекақысы уақытында төленбеген.

— Жалақы берешегін өтеу «Реабилитация және банкроттық туралы» заңға сәйкес конкурстық басқарушылар арқылы жүзеге асырылады. Бұл үдеріс ҚР Қаржы министрлігінің Мемлекеттік кірістер департаментінің бақылауында, — деді Ерлан Исмағұлов.

Оның айтуынша, жалақы берешегін азайту бағытында жүйелі жұмыс жүргізіліп, оң нәтиже байқалып отыр.

— 2026 жылдың басынан бері 88,1 млн теңге жалақы қарызы өтеліп, 158 жұмыскердің еңбек құқықтары қорғалды. Мәселен, 2025 жылы 215,3 млн теңгеден астам берешек өтеліп, 1007 жұмыскердің құқығы қалпына келтірілсе, 2024 жылы 165 млн теңгеден астам жалақы қарызы жабылып, 1350 адам қамтылған, — деді департамент басшысы.

Сонымен қатар, еңбек заңнамасының сақталуын қамтамасыз ету мақсатында бақылау шаралары да күшейтілген.

— Жыл басынан бері мемлекеттік еңбек инспекторлары 3 636 азаматтың өтінішін қарап, 91 жоспардан тыс тексеру жүргізді. Нәтижесінде 46 нұсқама беріліп, 43 жеке және заңды тұлға әкімшілік жауапкершілікке тартылды. Жалпы сомасы 8,5 млн теңге айыппұл салынды, — деді департамент басшысы.

Ал өткен жылдардың көрсеткіштеріне келсек, 2025 жылы 10 867 өтініш қаралып, 567 тексеру жүргізілген. Соның нәтижесінде 327 нұсқама беріліп, 39,3 млн теңге айыппұл салынған. 2024 жылы 322 тексеру жүргізіліп, 6 мыңнан астам өтініш қаралған.

Айта кетейік, бұған дейін Астанада 4 кәсіпорында 22,2 млн теңге жалақы берешегі анықталғаны хабарланғанды.