Беларусь Литва жүк көліктерінің елден шығуына уақытша​ тыйым салды

2025 жылғы 10 қараша күні сағат 09:00-ден бастап Беларусь аумағынан литвалық тіркеудегі жүк көліктерінің шығуына уақытша шектеу қойылды. Бұл туралы елдің Мемлекеттік шекара қызметі Telegram-арнасында хабарлады.

Шектеу себебі — демалыс күндерінен кейін шекарадағы көлік жүктемесін реттеу және фураларды тұрақтарға ұйымдасқан түрде бөлу қажеттілігі. 

Қазіргі уақытта Еуроодаққа кіру үшін шекарада 1,9 мың жүк көлігі мен 2,9 мың жеңіл көлік кезекте тұр.

Шекарадағы жағдай:

Мядининкай (Каменный Лог) — тек 16% фура ғана өткен; Патерниеки (Григоровщина) — 250 жүк көлігі жиналған, тек 31% ғана өткен; Кукурыки (Козловичи) — Польшаға өту кезегінде 630 фура, 31% ғана өткен; Тересполь (Брест) — жеңіл көліктердің 32%-ы ғана өткен.

Беларусь аумағында 1,1 мың литвалық жүк көлігі қалып отыр. Жүргізушілерге елден шығуға рұқсат берілгенімен, көліктер арнайы тұрақтарға орналастырылған.

Беларусь СІМ Литва билігінің шекараны біржақты жабу туралы шешімін еске салып, бұл әрекетке Минсктің жауап ретінде литвалық жүк көліктерін өткізуден бас тартқанын мәлімдеді.

Бүгін, 14:43