Бельгияда жалпыұлттық ереуілдер жалғасуда

Бельгиядағы бес партиялы коалиция бірнеше айға созылған келіссөздерден кейін бюджет жоспарына келісімге қол жеткізді. Премьер-министр Барт де Вевер бұл мәселені Рождестводан бұрын шешуге уәде еткен болатын, деп хабарлайды Евронью́с.

Алайда, дүйсенбі күні қол қойылған келісім жоспарланған үш күндік жалпыұлттық ереуілді тоқтатпады. Акция жексенбі кеште басталды.

Келісім бойынша кейбір тауарлар мен қызметтерге салық өседі, мемлекеттік шығыстар қысқарып, 2029 жылға қарай федералдық бюджеттің тапшылығы 9,2 млрд евроға төмендетілуі көзделген. Авиабилеттер, қонақүйде тұру, тамақ жеткізу және кино билеттеріне жаңа салықтар енгізіледі. Онлайн-сатып алулардан да салық алынатын болады, әсіресе ЕС-ке кірмейтін Shein және Temu сияқты сатушылардан. Банктерге де жаңа салық енгізіледі.

Еңбек ақыларын инфляцияға сәйкестендіру (индексация) сақталады, бірақ 4 000 еуродан көп айлық алатын қызметкерлерге шектеу қойылады. Сонымен қатар, пациенттер дәрігерге барғанда өз қалтасынан көп төлейтін болады, бірақ нақты сома әлі белгісіз. Мемлекет ұзақ мерзімді еңбек демалысында отырған 100 000 адамды қайта еңбек нарығына тартуды жоспарлап отыр.

Алайда жаңа бюджет жоспарына қоғам тарапынан қарсы пікірлер де бар. ABVV профсоюзы келісімді сынап, оны «жұмыс істейтіндер мен ауруларға ауыртпалық салатын, ал байлар ештеңе жоғалтпайтын» шара деп атады.

Ереуілдер жексенбіден бастап басталып, қоғамдық көліктің жұмысын тоқтатқан. Сейсенбі күні акция мемлекеттік секторға, оның ішінде мектептерге және пошта қызметіне таралады. Сәрсенбіде ереуілдің ең шарықтау шегі болады, Брюссельдегі Завентем және Шарлеруа әуежайларының жұмысына айтарлықтай кедергі келуі мүмкін.

Бүгін, 12:52