Биіктігі 12 қабатты үймен тең жүк: болашақ пиролиз зауытының жүрегі Қазақстанға жеткізілуде

Шанхайдан Ерсай порты бағытына Атырау облысында салынатын полиэтилен өндіру зауытына арналған ірі жабдықтардың алғашқы партиясы тиелген кеме жолға шықты. Бағыт бірнеше теңіздер мен каналдар арқылы өтеді, деп жазады «Нефть и газ Казахстана» телеграм-арнасы.

Жүктің жалпы салмағы — 11 760 тонна. Бұл шамамен толық тиелген 200 теміржол вагонының салмағына тең.

Алты айға созылатын жол

Бұл логистикалық операция өңір тарихындағы ең күрделілердің бірі болуы мүмкін. Кеме алдымен Хайдарпаша портына (Түркия) барады. Онда жабдықтар «өзен-теңіз» типіндегі екі кемеге қайта тиеледі. Содан кейін олар Волга-Дон каналы арқылы өтіп, Каспий теңізіне шығады. Жүк Қазақстанға 2026 жылдың маусым айында келеді деп жоспарланған.

Кемедегі алып жабдықтар

Алғашқы партияда 9 түрлі жабдық бар, оның ішінде реакторлар мен колонналар бар. Ең үлкені — ылғалды факельді газды бөлетін сепаратор:

Қазақстанда жасалып жатыр

Қытайдан жеткізіліп жатқан жабдықтармен қатар, «АтырауНефтеМаш» зауытында да аса ауыр құрылғылар өндірілуде. Биыл отандық машина жасаушылар салмағы 1470 және 700 тонна болатын алып колонналарды аяқтауды жоспарлап отыр. Олар зауыт құрылысындағы ең ірі нысандардың бірі болады.

Айта кетейік, полиэтилен өндіретін зауыт құрылысы Қазақстанның мұнай-газ химиясы саласындағы стратегиялық жобалардың бірі. Оның мақсаты — шикізатты ел ішінде терең өңдеу.

Бүгін, 15:34