Бір жылдан кейін доллар қанша теңге болатыны айтылды

Қазақстан қаржыгерлер қауымдастығы келесі 12 айда теңге шамалы әлсіреп, инфляция күшеюі мүмкін деп болжайды. Бұл туралы қазан айындағы сауалнама нәтижесінде белгілі болды, – деп хабарлайды Aikyn.kz сайты

Инфляциялық қысым күшейіп келеді

Сауалнамаға банктер, сақтандыру және брокерлік ұйымдар, сондай-ақ аналитикалық және қазынашылық бөлімдердің өкілдері қатысқан.

Қаржыгерлердің ортақ пікірінше, инфляцияның жылдық деңгейі келесі қазан айында 12,1% шамасында болуы ықтимал. Бұл өткен айдағы болжамнан (11,4%) жоғары.

Инфляциялық қысымның негізгі факторлары: тарифтердің өсуі мен тұрғын үй-коммуналдық реформалар; жанармай мен импорт бағасының қымбаттауы; бюджет шығынтарының ұлғаюы; салық жүйесі мен бағалық реттеудегі алдағы өзгерістер. Мұндай жағдайда Ұлттық банк ақша-несие саясатын қатаңдатуға мәжбүр болуы мүмкін.

Базалық мөлшерлеме төмендеуі ықтимал

Қаржы нарығы өкілдерінің 73%-ы 10 қазандағы Ұлттық банк отырысында мөлшерлеме көтеріледі деп күтеді.

Бірақ алдағы 12 айда инфляцияны бақылау және баға тұрақтылығын сақтау мақсатында базалық мөлшерлеме 16,5%-дан 15,5%-ға дейін төмендеуі мүмкін деп болжанып отыр.

Бұл шешім Ұлттық банктің басты мақсатын — инфляцияны тіпті бұл экономиканың кейбір сегменттерін баяулатса да 5% деңгейіне қайтаруды көздейтін белгі ретінде қарастырылады.

Мұнай және теңге бағамы

Мұнай нарығында ОПЕК+ елдерінің өндірісті арттыруы әлемдік бағаның төмендеуіне әсер етуі мүмкін. Орташа алғанда, келесі жылы Brent мұнайы 66,4 доллар/баррель деңгейінде болады (қыркүйекте — 66,7 доллар).

Баға төмендеген жағдайда, сыртқы сауда балансына қысым артып, теңге үшін қосымша тәуекелдер туындайды.

Валюта бағамы мен экономикалық белсенділік

Болжам бойынша, қараша айының басында доллар бағамы 544 теңге, ал бір жылдан кейін — 556,8 теңгеге дейін көтерілуі мүмкін.

ІЖӨ өсімі де баяулайды: келесі жылы экономикалық өсім 4,8% шамасында болады деп болжанып отыр (қазіргі көрсеткіш — 6,5%).