Жаяу жүру де мүмкін емес: Медеу Шымбұлақ жолы уақытша жабылады

Алматыда Медеу – Шымбұлақ автожолы уақытша жабылады. 19 қазаннан бастап "Горельник" визит-орталығы маңында қозғалыс толығымен тоқтатылады, деп хабарлайды Tengri Travel.

Алматы әкімдігінің мәліметінше, бұл учаскеде диаметрі бір және бір жарым метр болатын екі темірбетон су өткізу құбырын монтаждау жұмыстары жүргізіледі. Жол 19-22 қазан аралығында жабық болады.

"Жұмыс жүргізу кезінде автокөліктер мен жаяу жүргіншілер үшін қозғалыс толығымен тоқтатылады", - делінген хабарламада.

Алматы тұрғындары мен қонақтарынан Медеу мен Шымбұлақ бағытындағы сапарлары мен жаяу маршруттарын жоспарлау кезінде осы шектеулерді ескеру сұралады.

Еске сала кетейік, бұған дейін Медеу мен Шымбұлақ арасында электрошаттлдар іске қосылатыны хабарланған болатын. Көліктің жаңа түрі тау курортына барудың үйреншікті тәсілін өзгертіп, жеке автомобильдерге балама болуы тиіс. Медеу мен Шымбұлақ арасындағы көлік қатынасының қалай өзгеретіні туралы толығырақ біздің материалымыздан оқыңыздар.

Бізді Google-дың негізгі дереккөздер тізіміне қосыңыз