Биыл елімізде алғашқы Жылқы шаруашылығы ҒЗИ ашылады

Елдегі алғашқы Жылқы шаруашылығы ғылыми-зерттеу институты 2026 жылдың мамыр айында ашылуы тиіс.

Қазір кешенге тиесілі ғимараттар салынып жатыр. Құрылыс жұмыстарымен Парламент Мәжілісінің депутаты, «Ауыл» Халықтық-демократиялық патриоттық партиясының Төрағасы Серік Егізбаев танысып қайтты. Институтта асыл тұқымды жануарларды жан-жақты зерделеуге арналған бес зертхана болады. Сонымен қатар халықаралық стандарттарға сай манеж, ветеринариялық пункт пен ипподром қарастырылған. Ғылыми-зерттеу институты асыл тұқымды сәйгүлік өсіріп қана қоймай, жылқы шаруашылығы саласын зерттейтін ғалымдарды даярлайды.

Серік Егізбаев, ҚР Парламенті Мәжілісінің депутаты:

- Жылқы малы жақсы өсімді көрсетіп жатыр. Сондықтан біздер оны толық пайдалануымыз керек. Асылдандыру жұмыстарында. Оны қолға алмасақ сапасы да болмай қалуы мүмкін, басқа да жағынан дамымай қалуы мүмкін. Сондықтан осындай ғылыми орталықтар керек екенін дәлелдеп жатқанымыз да сол. Мына институт жұмысын бастағаннан кейін ғалымдар тарапынан ғылыми тұрғыдан ұсыныстар болғаннан кейін Парламент, біздер әрқашанда қолдап тиісті өзгерістерді, толықтыруларды заңға енгізуге әрқашанда дайын боламыз.