Блогер Justking31 ісі қаржылық тексеруге жіберілді агенттік

– Justking-ке қатысты материалдарды уәкілетті органға жолдадық. Олар аталған қызмет нәтижесінде қандай сомалар алынғанын және қанша қаражат жұмсалғанын анықтайды. Барлық факті нақтыланып, материалдар ұсынылғаннан кейін біз бұл әрекеттерге құқықтық баға береміз, – деді Қаржылық мониторинг агенттігінің төрағасы Жеңіс Елемесов Сенат кулуарында.

Бұған дейін блогер Instagram желісінде ұтыс ойындарын өткізгені үшін әкімшілік жауапқа тартылған болатын.

Айта кетейік, енді блогерлердің лотерея өткізуі қылмыстық санатқа ауыстырылады.

Осы аптада 11 автокөлікті ұтысқа қойып, курс сатқан блогерлер Ерболат Жанабылов пен Эльмира Төлегеноваға қатысты қылмыстық іс қозғалды.

Мәжіліс депутаттары да бір үйді ұтысқа салып, 1,5 млрд теңге пайда табатын блогерлер кейсін Қылмыстық кодекс арқылы қарастыруды ұсынып отыр.