Болашақ бағдарламасының биылғы өзгерістері

Биыл «Болашақ» бағдарламасы бойынша оқуға жіберілетін университеттердің тізіміне қатысты жаңа стандарт енгізілді. Енді шетте білім жетілдірем деушілер QS UNVIVERCITY RANKINGS атты рейтингтегі үздік 100 оқу ордасына тапсыруға міндеттеледі. Яғни қай жоғарғы оқу орнының пәндік бағдарламасы мықты болса, сол мамандық бойынша ғана тапсыруға болады.

Айта кетейік, «Болашақ» бағдарламасы бойынша жаратылыстану-техникалық мамандық бойынша оқуға түскендердің үлесі 70 пайызға жуықтады. Осыдан үш жыл бұрын 60 пайызға жетер жетпес деңгейде болатұғын. Конкурстық іріктеуге қайта қатысуға 2024 жылы 1893 өтінім берілсе, биыл  2600 өтінім түскен екен. Болашақ бағдарламасының стипендиаты атану үшін бір орынға былтыр 3 адам таласса, биыл онысы төртке жеткен. Сонымен бірге оқу бітіргендер халықаралық ұйымдарда міндетті еңбек өтілін өтеу алады. 

Мемлекеттік қызметшілердің магистрлік дәреже алудың талаптарына да өзгерістер енгізілген. Мәселен, үміткер жұмыс берушінің міндетті өтінім өткізуге тиіс. Сондай-ақ елде бір жыл бойы тілдік курстан өте алады. Байқаудың соңғы кезеңінде үміткермен сұхбат жүргізетін тәуелсіз комиссия құрамына мемлекеттік істер агенттігінің қызметкерлері кіреді. Ал шеттегі оқуын тәмамдаған соң мемлекеттік қызметшілердің кемінде үш жыл өз міндеттемесін өтеуі қажет.

Сонымен бірге «Болашақ» бағдарламасы бойынша мектеп түлектерінің арасындағы шын талантты қолдау мақсатында бакалавриат санаты қарастырылған. Халықаралық олимпиада, ғылыми байқау, ғылыми жобалардың 1-2-3 дәрежелі дипломның 20 иегеріне бакалавр бойынша шетте мамандық алудың  мүмкіндігі бар.