Бразилиядағы нөсер жауын салдарынан мерт болғандар саны 30 ға жетті

Минас-Жерайс штатының өрт сөндіру қызметі Жуис-де-Фора және Уба қалаларында құрбандар саны артқанын хабарлады. Іздеу жұмыстары үздіксіз жүргізіліп жатыр.

Билік өңірде жауын-шашын жалғасатынын ескертіп, дабыл режимін сақтады және тұрғындарды қауіпті аймақтардан аулақ болуға шақырды.

Штат губернаторы Ромеу Зема өңірдің ауыр кезеңді бастан өткеріп жатқанын мәлімдеді.

Оның айтуынша, бірнеше сағат ішінде бір айлық жауын-шашын мөлшері түскен. Мыңдаған адам жарық пен сусыз қалған. Эвакуацияланған тұрғындар уақытша орналастыру орталықтарына айналдырылған мектептерге жеткізілген. Алғашқы гуманитарлық жүк көліктері жөнелтілді.

Бразилия президенті Луис Инасиу Лула да Силва үкімет Минас-Жерайстағы зардап шеккендерге көмек көрсету үшін жұмылдырылғанын мәлімдеп, қаза тапқандардың отбасыларына көңіл айтты.

Осыған дейін Бразилияда лай көшкіннен 22 адам көз жұмғаны туралы жаздық.