БҰҰ: 1 млрд тан астам адам жері мен баспанасынан айырылуы мүмкін

БҰҰ дерегінше, алдағы бес жылда әлем бойынша 1,1 миллиардтан астам адам жерінен немесе баспанасынан айырылуы мүмкін. Бұл – әрбір төртінші ересек адамның жер мен тұрғын үйге қатысты құқықтарының әлсіз екенін көрсетеді, деп хабарлайды АА.

Соңғы жиырма жылда көптеген елдер ұлттық және халықаралық деңгейде жер саясатына қатысты құжаттар қабылдап, 70-тен астам мемлекет жер реформасын бастағанымен, әлемдегі жердің тек 35%-ында ғана ресми құжатталған меншік немесе пайдалану құқығы бар.

Есепте мемлекеттердің заңды меншік үлесі шамамен 64% екені айтылған. Жеке меншікке шамамен 18% жер тиесілі, бұл 2,4 млрд гектарға тең. Егістік жерлердің 90%-ын ең ірі 10% жер иелері пайдаланады. Африкада жердің 73%-ы дәстүрлі пайдалануда, бірақ ресми түрде тек 1%-ы ғана мойындалған. Солтүстік Америкада жеке меншік үлесі – 32%, Латын Америкасында – 39%, Еуропада – 55%, ал Ресейде мемлекеттік меншік басым.

Коренные халықтар мен қауымдастықтар шамамен 5,5 млрд гектар жерді пайдаланады, бірақ ресми құжатталған құқықтары тек 1 млрд гектарға ғана қатысты. Әйелдер мен жастардың жерге меншік құқығы ерлерге қарағанда әлдеқайда төмен екені де көрсетілген.

Әлемде дәстүрлі жерлердің көлемі 4,2 млрд гектарға жетеді, бұл Жер бетінің 32%-ын құрайды. Олар биоалуантүрлілікті сақтауда және климаттың өзгеруімен күресте маңызды рөл атқарады. Алайда урбанизация, ірі агробизнес, мұнай-газ өндірісі және тау-кен өнеркәсібінің кеңеюі дәстүрлі жерлерді қауіпке ұшыратуда.

Бүгін, 14:59