Былтыр 1757 ресейлік Қазақстан азаматтығын алған

- 2025 жылы Қазақстан Республикасына 15 956 571 шетел азаматы кіріп, 15 893 091-і шыққан (2024 жылы 15 454 808 шетел азаматы кіріп, 15 414 762 шыққан, - деп жазылған жауапта.

ІІМ дерегіне сүйенсек, 2025 жылы 113 мың 961 шетел азаматы көші-қон заңнамасын бұзғаны үшін әкімшілік жауапкершілікке тартылып, 18 мың 872 шетелдік Қазақстан аумағынан шығарылған. Ал 2024 жылы 97 мың 229 шетел азаматы көші-қон заңнамасын бұзып, 14 мың 124-і ел аумағынан шығарылған болатын.

Министрліктегілер былтыр Қазақстанда тұруға ықтиярхат алған Ресей азаматтарының саны 8148 адам болғанын атап өтті (2024 жылы – 9761).

- 2025 жылы бұрын Ресей Федерациясының азаматы болған 1757 адам Қазақстан Республикасының азаматтығын алды (2024 жылы – 2148), - деп жазады ІІМ мамандары.

Еңбек және халықты әлеуметтік қорғау министрлінің мәліметі бойынша, 2025 жылы сыртқы көші-қон сальдосы оң динамика көрсетіп, 16,1 мың адамға дейін өскен.