Дастан Сәтпаев әлемдегі ең үздік футболшылардың қатарына кірді

“Қайрат” футбол клубының жас шабуылшысы Дастан Сәтпаев әлемдегі ең жас үздік футболшылардың қатарына енді. Бұл туралы британдық танымал The Guardian газеті жылдың ең үздік жас футболшылар тізімін жариялады, - деп хабарлайды Аikyn.kz.

Айтулы рейтингке “Қайрат” футбол клубының шабуылшысы Дастан Сәтпаев бар. Дастан Сәтпаев — қазақ футболшыларының арасынан бұл тізімге ілінген жалғыз футболшы. Әлемнің үздіктер қатарына танымал клубтардың жас таланттары да енген.

Олар, "Барселона" сапынан — вингер Тони Фернандес пен жартылай қорғаушы Нико Гильен, "Боруссия Дортмундтан" — италиялық шабуылшы Самуэль Инасио, "Бавариядан" — жартылай қорғаушы Карл Леннарт, ал Пари Сен-Жерменнен — жас форвард Ибрагима Мбайе де үздіктер қатарында. Айта кетейік, Дастан Сәтпаев Лондонның “Челси” клубына шақырту алған футболшы. Ол он сегіз жасқа толғанда түбегейлі Лондондық клуб сапына ауысады. 

Айта кетейік, Дастан Сәтпаев 2008 жылдың 12 тамызында Алматы қаласында дүниеге келген. Ол шабуылшы позициясында ойнайды. Қазір ол «Қайрат» футбол клубының негізгі құрамында және Қазақстан ұлттық құрамасының ойыншысы. 

2025 жылдың қаңтарында ағылшынның «Челси» клубымен 2029 жылға дейін келісімшартқа отырды. Трансфер құны — 4.3 миллион еуро.