​Екі айға жуық қамауда: елордада Өзбекстанның белгілі ғалымы ұсталды

Қазақстанның елордасында 46 жастағы профессор Икболжон Корабоевтың қамауда отырғанына екі айға жуықтады. Бұл туралы ұсталған ғалымның туыстарына сілтеме жасап Би-би-сидің өзбек қызметі хабарлайды.

Өзбекстан азаматы әрі Әндіжан тумасы болып табылатын ғалым Астанада әйелімен және үш кәмелетке толмаған баласымен бірге тұрады. Елордада ол М.С. Нәрікбаев атындағы КАЗГЮУ Университетінде халықаралық қатынастар пәнінен сабақ берген.

Істің егжей-тегжейі мен ұсталу себебінің нұсқалары:

Істің сарапталуы: Туыстарының айтуынша, Корабоев ҚР Қылмыстық кодексінің 176-бабы («Шпионаж / Тыңшылық») бойынша күдікке ілінген. Бұл бап 10 жылдан 15 жылға дейінгі мерзімге бас бостандығынан айыру жазасын көздейді.

Негізгі нұсқалар: Отбасы мен дереккөздер тұтқындаудың екі ықтимал себебін алға тартады — Өзбекстан пайдасына қызмет етті деген күдік немесе профессордың аса маңызды минералдар саласына қатысты ғылыми-зерттеу жұмыстары.

Құқықтық қорғау: Би-би-си мәліметінше, қазіргі уақытта қамауға алынған ғалым толыққанды заңми көмексіз қалып отыр.

Материал жарияланған сәтке дейін тыңшылық ісіне қатысты Қазақстанның құқық қорғау немесе құзыретті органдары тарапынан ресми ақпарат түскен жоқ.

Бүгін, 12:17