Ел тұрғындары МӘМС тегі мәртебесі туралы ақпаратты оңай тексере алады

Ұсынылып отырған өзгерістер қабылданғаннан кейін ел азаматтарына өздерінің сақтандыру мәртебесі, МӘМС жүйесіне қатысу кезеңдері, сондай-ақ олардың пайдасына аударылған жарналар мен аударымдар туралы мәліметтерді алу жеңілдейді.

Бұл ақпаратты eGov.kz порталы арқылы онлайн тексеруге болады. Ол үшін мемлекеттік органдарға жеке жүгінудің қажеті жоқ – электрондық қызметті кез келген уақытта пайдалануға мүмкіндік бар.

Qalqan: Жаңа технология МӘМС-ті қалай өзгертеді?

Қазіргі таңда міндетті әлеуметтік медициналық сақтандыру (МӘМС) жүйесіне шамамен 17,5 миллион адам қатысады. Сақтандырылған азаматтар профилактикалық тексерулерден өтуге, бейінді мамандардың кеңесін алуға, диагностикалық зерттеулер мен амбулаториялық және стационарлық ем қабылдауға, жоғары технологиялық медициналық көмекке, медициналық оңалту қызметтеріне және заңнамада көзделген жағдайларда дәрі-дәрмекпен қамтамасыз етілуге құқылы.

Бұған дейін Әлеуметтік медициналық сақтандыру қоры сақтандырылған мәртебені сақтау үшін МӘМС жүйесіне жарналар мен аударымдарды уақытылы төлеу қажеттігін еске салған болатын. Төлемдердің кешіктірілуі азаматтың сақтандыру мәртебесінен айырылуына және соның салдарынан міндетті әлеуметтік медициналық сақтандыру аясында көрсетілетін медициналық қызметтерге қолжетімділіктің шектелуіне әкелуі мүмкін.