Елдар Күзенбаев еңбек және халықты әлеуметтік қорғау вице министрі болды

Эльдар Күзенбаев еңбек және халықты әлеуметтік қорғау вице-министрі қызметіне тағайындалды, деп хабарлайды Tengrinews.kz тілшісі Үкімет баспасөз қызметіне сілтеме жасап.

2026 жылдың наурызынан бастап қазіргі уақытқа дейін Эльдар Күзенбаев Еңбекмині Көші-қон комитетінің төрағасы қызметін атқарды.

Эльдар Күзенбаев 1982 жылы Қостанай облысында дүниеге келген. А.Байтұрсынов атындағы Қостанай мемлекеттік университетін, М.Дулатов атындағы Қостанай инженерлік-экономикалық университетін бітірген.

Еңбек жолын 2002 жылы Қостанай облысы Соттар әкімшісінің ұйымдастыру-талдау бөлімінің жетекші маманы болып бастаған.

2003-2004 жылдары - Қостанай облысы Соттар әкімшісінің Қарабалық аудандық учаскесінің аға сот орындаушысы.

2004 жылы - Қостанай облысы Соттар әкімшісінің Рудный қалалық аумақтық учаскесінің аға сот орындаушысы.

2004–2006 жылдары - Қостанай облысы Соттар әкімшісінің атқарушылық іс жүргізуді ұйымдастыру және сот приставтарының қызметі бөлімінің бастығы.

2006 жылы - Қостанай облысы Әділет департаментінің заңды тұлғаларды тіркеу бөлімінің бастығы.

2006–2008 жылдары - Қостанай облысы Әділет департаментінің Қарабалық аудандық әділет басқармасының бастығы.

2008-2010 жылдары - Қостанай облысы Әділет департаментінің Қостанай аудандық әділет басқармасының бастығы.

2010-2013 жылдары - Қостанай облысы Ұзынкөл ауданы әкімінің орынбасары.

2013-2018 жылдары - Қостанай облысы Сарыкөл ауданының әкімі.

2018-2019 жылдары - Қостанай облысы Арқалық қаласының әкімі.

2019-2021 жылдары - "Nur Otan" партиясы Қостанай облыстық филиалы төрағасының бірінші орынбасары.

2021-2022 жылдары - Қостанай облысы әкімі аппаратының басшысы.

2022-2023 жылдары - Президент Әкімшілігінің мемлекеттік инспекторы.

2023-2026 жылдары - Президент Әкімшілігі Мемлекеттік бақылау бөлімінің мемлекеттік инспекторы.

Google News арқылы жаңалықтарымызды қадағалаңыз