Елге танымал заңгер шаш ектіремін деп көз жұмды (ФОТО)

Владивостоктағы белгілі заңгер Андрей Капустин шаш трансплантациясы кезінде көз жұмды, деп хабарлайды Arasha.kz.

Бұл туралы алғаш болып Baza Telegram арнасы хабарлады.

"Анестезия салынғаннан кейін оның жағдайы күрт нашарлап, операция үстелінде жан тапсырған", – делінген хабарламада.

Сонымен қатар, материалда процедура кезінде клиникада бейнежазба жүргізілмегені атап өтілген. Аймақтың тергеу органдары клиниканың жұмысы мен пациенттің өліміне қатысты барлық мән-жайды тексеруді бастап кеткен.

Дереккөздің мәліметінше, заңгер операцияға жан-жақты дайындалып, оған 300 мың рубль төлеген. Қазіргі таңда қарастырылып жатқан өлім себептері –наркозға төзбеушіліктен болған асқыну, инсульт немесе үзіліп кеткен тромб болуы мүмкін.