Елімізде 6 қаңтарда қалың қар жауып, тұман, көктайғақ болатыны болжанады

Метеорологтардың айтуынша, Қазақстанның басым бөлігі циклонның ықпалында әлі қалып отыр.

"Солтүстік аймақтарда қалың қар, батыста қар аралас жаңбыр жауады". "Қазгидромет" РМК-ның баспасөз қызметі

Сондай-ақ, еліміздің оңтүстік-батысы мен оңтүстігінде жауын-шашын болмайтыны да нақтылынады.

Сонымен қатар, республика бойынша белең алатын ортақ табиғи құбылыс ретінде тұман, көктайғақ және желдің екпін алуы аталады.

Бұған дейін синоптиктер еліміз бойынша алдағы үш күнге (6-8 қаңтар) арналған ауа райы болжамымен бөліскен болатын.