Елімізде ақылы жолмен жүру көрсеткіші рекордтық деңгейге жетті

Жыл басынан елдегі автобандармен 54 миллионнан астам көлік жүрген. "ҚазАвтоЖол"компаниясының хабарлауынша, ең танымал бағыттар қатарында Алматы - Қонаев. Шымкент- Өзбекстан шекарасы, Шымкент - Тараз бағыты мен Тараз - Қайнар, Шымкент - Қызылорда жолдары тұр. Өткен жылы ақылы жолдардан қазынаға 48 млрд теңге түсті. Биыл бұл қаржы көлемі екі есеге ұлғайып, 100 миллиард теңгеге жетеді деп күтіліп отыр. Трассаларды күтіп ұстау, тазалау жұмыстары мен қызмет көрсетуге шамамен 60 млрд теңге бөлу қарастырылған.