​Еңбек министрлігі Chevron компаниясына қызметкерлерді қайта оқыту орталықтарын ашуды ұсынды

ҚР Еңбек және халықты әлеуметтік қорғау министрлігі "Шевронға" қайта оқыту орталықтарын ашуды ұсынды, онда мұнайшыларды, мысалы ауылшаруашылығы маманы етіп қайта оқытуға болады, деп хабарлайды «Нефть и газ Казахстана» телеграм-арнасы.

Ведомство мамандарының ойынша мұндай орталықтарда ірі жобалар аяқталғаннан кейін жұмыстан босатылған жұмысшылар кейін жұмысқа орналасуын жеңілдету үшін алдын ала жаңа мамандық алуы керек. Бұл туралы Еңбек және халықты әлеуметтік қорғау министрі Асқарбек Ертаев "Шевронның" Еуразиялық бөлімшесінің кадрлар бойынша аға кеңесшісі Тифара Кейшей Джонсон Гилбертпен кездесуінде айтты.

"Ірі жобаларды іске асыру кезеңдерін ескере отырып, біз азаматтарды жаңа мамандықтарға алдын ала дайындауымыз керек. Жұмыскерлерді ықтимал оңтайландыру кезінде экономиканың басқа секторларына сенімді түрде өтуі үшін алдын ала қайта оқыту моделін іске қосуды ұсынамыз. Егер компания мұндай орталық ашу туралы шешім қабылдаса, министрлік жан-жақты қолдау көрсетуге және осы табысты тәжірибені таратуға дайын", - деп атап өтті министр.

Мысал ретінде ол ERG компаниясының тәжірибесін келтірді, ол қызметкерлерді жұмыстан босатқан кезде оларды экономиканың басқа салаларында сұранысқа ие жаңа мамандықтарды меңгеру үшін өз орталықтарына алдын ала жібереді (мысалы, ауыл шаруашылығында).

Бүгін, 18:13