Еңбек нарығының тың бағыттары

Абай облысының кадрлық қажеттілігінің өңірлік картасын әзірлеуге арналған маңызды басқосуда Мемлекет басшысының «Жаңа кәсіптер мен дағдылар атласын әзірлеу» жөніндегі тапсырмасына сәйкес еңбек нарығындағы нақты сұраныстар талқыланып, кадр даярлау жүйесін жаңа экономикалық талаптарға сай бейімдеу жайы безбенделді.

Сурет: gov.kz

Шәкәрім университетінде болған форсайт-сессия жұ­мысына Ғылым және жоғары білім министрі Саясат Нұрбек онлайн қатысып, кәсіби кадр­ларды даярлаудың тиімді жү­йесін қалыптастыру мемле­кеттік саясаттың басым бағыт­­тарының бірі екенін айтты.

«Президент Қасым-Жомарт Тоқаев Жолдауында адам капиталын дамыту, білім беру жүйесін жаңғырту, кәсіптік білімнің практикалық бағытын күшейтуді негізгі міндет ре­тінде белгілеген болатын. Осы­ған орай өткен 2025 жыл Жұ­мысшы мамандықтар жылы деп жарияланды. Бұл кадрлық саясат ел эко­но­ми­­ка­сының тұрақты дамуы үшін өзекті мә­се­ле екенін көр­сетеді», деді министр.

Сондай-ақ ол 2022 жылдан бері «Мамандығым – болашағым» жобасы аясында 24 саланы қамтитын 9 өңірлік карта әзірленгенін, 100 мыңнан астам оқушы кәсіби бағдарлау диагнос­тикасынан өткенін, 290 білім бағдарламасы пысық­тал­ғанын жеткізді. Бұл бастамалар білім мен еңбек нарығы ара­сындағы тепе-теңдікті қам­тамасыз етуге арналады.

Шәкәрім университетінің стратегия және әлеуметтік даму жөніндегі проректоры Асқар Қасымов елімізде 9 өңірде жаңа кәсіптер атласы дайындалғанын мәлім етті. Ол қазіргі цифрландыру дәуірінде біраз мамандықтар жаңаша сипат алып, жаңа дағдылар қалыптасады деп болжайды.

Жиында Абай облысы білім басқармасының техникалық және кәсіптік білім беру бөлімінің басшысы Вилена Жақыпбаева өңірге қажетті кадрлық картасын әзірлеудің маңызына тоқталды. Ол аталған карта білім беру ұйымдарына жаңа бағдар беріп, жұмыс берушілердің сұранысын нақты айқындауға мүмкіндік туғызатынын айтты. Жоғары білім беруді дамыту ұлттық орталығы «Мамандығым – бо­лашағым» кеңсесінің басшысы Олжас Сәкенов жобаның мәні мен міндеттерін жан-жақты түсіндірді.

«Жаңа кәсіптер мен мін­деттердің атласын әзірлеу – қала мен ауыл арасындағы эко­номикалық алшақтықты азай­туға, еңбек нарығы мен білім беру саласындағы қажетті ақ­параттармен қамтуға, өңірдегі еңбек өнімділігі мен халық табысын арттыруға бағытталған», дейді ол.

Сессияға қатысушылар Абай облысының экономикалық мүмкіндіктерін, трендтерін, сын-қатерлерін де сарапқа салды. Алдағы уақытта өңірде сұранысы артып келе жатқан жаңа кәсіптер мен қажетті мамандықтар, кадр саясатын жетілдірудің жолдары ай­қындалып, облыстың кадрлық қажеттілігінің нақты картасы әзір­ленеді. Бұл карта облыстың әлеуметтік-экономикалық даму стратегиясын жетілдіріп, білім беру ұйымдары мен кәсіпорын­­дар арасындағы байланысты нығайта түсері сөзсіз.

Абай облысы 

Соңғы жаңалықтар

Әуенмен емдейтін нейрожүйе

Digital • Бүгін, 09:50

Әскер беделі – ел беделі

Әскер • Бүгін, 09:45

Қайырымды азаматтардың демеуі

Аймақтар • Бүгін, 09:40

Егінді «AgroSky» бақылайды

Технология • Бүгін, 09:35

Сингулярлық кезең

Ғалам ғажаптары • Бүгін, 09:30

Түйе сүтінен – балмұздақ пен йогурт

Экономика • Бүгін, 09:25

ЖИ-ді қолдану қауіпсіз бе?

Жасанды интеллект • Бүгін, 09:20

«Шыны мақтадан» табыс тапқан

Өндіріс • Бүгін, 09:15

Әлеуметтік қамсыздандыру: мақсат пен меже

Қоғам • Бүгін, 09:10

Тікелей сұхбаттастықтың пайдасы

Саясат • Бүгін, 09:05

Бірпалаталы жаңа Парламенттің атауы қарастырылды

Саясат • Бүгін, 09:00

Медицина жүйесін цифрландыру жайы талқыланды

Медицина • Бүгін, 08:58

Отаншылдықтың өлшемі

Айбын • Бүгін, 08:55

Шетел жұмысшылары қай салада көп?

Қоғам • Бүгін, 08:50

Еңбек нарығының тың бағыттары

Аймақтар • Бүгін, 08:45

Барлық жаңалықтар