Ер адам көлік жуу орталығына барғаннан кейін Toyota Land Cruiser 200 көлігінен айырылды

Павлодарда жол талғамайтын көлік жуудан кейін оталмай қалған, – деп хабарлайды Aikyn.kz сайты.

Көліктің иесі кеуіп тұрсын деп оны бір тәулікке далаға қалдырған. Бірақ түнде полиция қызметкерлері хабарласып, автокөліктің әуежай маңында жол апатына ұшырағанын жеткізген.

Көлік тізгінінде 18 жастағы жас жігіт болған, салонда тағы үш жас болған. Қазіргі уақытта автокөлік жүрмейтін күйде.

Көлік жуу орталығының өкілдері көлікті қызметкерлердің бірі айдап кеткенін, яғни ұрлағанын мәлімдеген. Ал көлік иесінің өкілі көлік жуу орны жауапкершілік көтеруі тиіс екенін айтып отыр, себебі автокөлік ресми түрде сақтауға қабылданған.

Күдікті ұсталды. Көлік құралын заңсыз иелену бабы бойынша қылмыстық іс қозғалып, тиісті сараптама тағайындалды.