Ертіс бойына көктем қашан келеді

«Қазгидромет» РМК өңірлік филиалы наурыз айында орташа ауа температурасы нормадан бір градусқа жоғары болатынын хабарлады. Айдың басында ауа температурасы түнде -8… -13°С-қа дейін, күндіз -3… +2°С-қа дейін көтеріледі деп күтіліп отыр. Одан кейін түнде -19… -24°С-қа дейін, күндіз -7… -12°С-қа дейін төмендейді деп болжанады

- Екінші онкүндікте ауа температурасының біртіндеп көтерілуі күтіледі: түнде −3… +2 °C-қа дейін, күндіз +7… +12 °C-қа дейін, облыстың оңтүстігінде +15 °C-қа дейін. Соңғы онкүндікте температура жиі ауытқиды: түнде −3… +2 °C-тан −8… −13 °C-қа дейін (облыстың оңтүстігінде −5 °C-қа дейін), күндіз +7… +12 °C-тан (оңтүстікте +15 °C-қа дейін) −3… +2 °C-қа дейін төмендейді, - деп хабарлады ауа райын болжаушылар.

Сондай-ақ бұл айдағы жауын-шашын мөлшері нормадан жоғары болады. Наурыздың басында қар жауып, бұрқасын күтіледі, ал айдың ортасына қарай жаңбыр аралас қар жауып, көктайғақ болуы мүмкін. Ай бойы ауық-ауық секундына 15–20 метрге жететін екпінді жел соғуы ықтимал.

Бұған дейін СҚО-да наурызда ауа райы қандай болатынын жазғанбыз.