Эстония Украинада соғысқан ресейліктерге елге кіруге тыйым салды

Эстония билігі Украинадағы соғысқа қатысқан 261 ресейлікке елге кіруге ресми түрде тыйым салды. Ішкі істер министрлігі бұл шараның «тек бастамасы» екенін мәлімдеді, деп хабарлайды Евронью́с.

Министрліктің айтуынша, Украинада қылмыс жасағандарға «еркін әлемде орын жоқ». Эстония бірнеше айдан бері Еуропа көлемінде ресейлік соғыс ардагерлеріне виза беруге тыйым салуды ұсынып, Балтық және Солтүстік Еуропа елдерінің қолдауына ие болған.

Эстонияның ішкі істер министрі Игорь Таро бұл қауіп «теориялық емес» екенін атап өтті. Оның сөзінше, соғысқа қатысқандар әскери дайындықтан өткен әрі қылмысқа қатыстыт өткен өмірі болуы мүмкін.

Сыртқы істер министрі Маркус Цахкна әлеуметтік желіде: «Бұл тек бастамасы. Басқа елдерді де осындай қадамға шақырамыз», – деп жазды. Ал премьер-министр Кристен Михал Еуропаның қауіпсіздігі мен әділ бейбітшілік үшін әскери қылмыстарға жауапкершілікті қамтамасыз ету қажет екенін айтты.

Украина сыртқы істер министрі Андрей Сибига бұл шешімді «қауіпсіздік үшін қажетті шара» және «жазасыздыққа жол берілмейтінін көрсететін анық белгі» деп бағалады.

Бұл тыйым БҰҰ бақылаушысы Украинадағы азаматтық шығындар туралы деректерді жариялаған күні енгізілді. 2025 жылы Украинада кемінде 2 514 бейбіт тұрғын қаза тауып, 12 142 адам жараланған. Бұл көрсеткіш 2024 жылмен салыстырғанда 31%-ға, ал 2023 жылмен салыстырғанда 70%-ға көп.

БҰҰ дерегіне сәйкес, құрбандардың 97%-ы Украина үкіметі бақылауындағы аумақта Ресей әскері жасаған шабуылдардан болған.

Бүгін, 12:18