Еуропа Украинаға қару алу үшін жүздеген миллион доллар бөлуге уәде берді

АСТАНА, 13 ақпан – Sputnik. "Рамштайн" форматындағы Украина жөніндегі байланыс тобының отырысынан кейін қатысушы елдер Украина Қарулы күштері үшін АҚШ-та өндірілген қару-жарақты сатып алуға жүздеген миллион доллар бөлуге уәде берді, деп мәлімдеді НАТО бас хатшысы Марк Рютте.

"Одақтастар PURL (АҚШ өндірген қару-жарақты Украинаға сатып алу бастамасы) аясында тағы да жүздеген миллион бөлетінін жариялады. Бұл Украинаға қорғаныс үшін шұғыл қажет америкалық жабдықтарды көбірек жеткізуге мүмкіндік береді. Мен Ұлыбританияға, Исландияға, Норвегияға, Швецияға және Литваға зор үлес қосқаны үшін алғыс айтамын", – деді Рютте.

Оның айтуынша, басқа да көптеген ел алдағы күндері Украина үшін АҚШ қаруын сатып алуға қосымша қаражат бөлу туралы шешім қабылдауы мүмкін.