Ғарыштағы Қытай Жаңа жылы: тайконавттар торт пісірді

«Шэньчжоу-21» ғарыш кемесі экипажы орбитада Қытайдың Жаңа жылын тойлап жатыр. Мереке қарсаңында тайконавтар Қытайдың адам басқаратын ғарыш агенттігі таратқан бейне хабарламаны жазып алды.

— Мен барлығына амандық пен бейбітшілік тілеймін, — деді экипаж командирі Чжан Лу.

Бұл оның ғарыштағы екінші жаңа жылы; ол бұған дейін 2022 жылдың қарашасында ұшырылған Шэньчжоу-15 миссиясына қатысып, алты ай орбитада болған.

Станция қызыл шамдармен, дәстүрлі қытай бұйымдарымен және қағаздан қиылған суреттермен безендірілген. Мерекелік ас мәзірінде тұшпара мен ұлттық дәмді тағамдар болды. Биыл ерекше дәм ұсынылды: экипаж алғаш рет ғарышта торт пісірді.

Миссия 2025 жылдың 31 қазанында басталды. Олар ғарышта 100 күннен астам уақыттан бері жүр.

Агенттіктің хабарлауынша, ғылыми эксперименттерден бастап техникалық қызмет көрсету мен медициналық бақылауға дейінгі барлық операциялар жоспарлы түрде жүріп жатыр.

Бұған дейін NASA астронавттарға ғарышқа смартфон алып ұшуға рұқсат бергені туралы жаздық.