Германияда банк сейфтерінен 90 млн еуро тоналды

Германияның Гельзенкирхен қаласында банк бөлімшесі тоналып, 90 млн еуро қолды болды. 

Ассошиэйтед пресс агенттігінің мәліметі бойынша, қылмыскерлер бетон қабырғаны бұрғымен тесіп, сейфтер орналасқан бөлмеге өткен. Банк басшылығы әрбір сейф 10 300 еуроға сақтандырылған деп отыр. «Алайда жиған-тергенінен айырылғандар бұл сома шығындарын өтеуге жетпейді», - дейді. Бұған наразы жұрт банк ғимаратының алдына жиналды. Кейінгі дерек бойынша, бас-аяғы 2 700 адамның ақшасы мен бағалы заттары ұрланған.