Гимнаст Ақмарал Ерекешева әлем кубогінде үздік ондыққа енді

Фото: Richard Merlen

Спортшы ең жоғары нәтижесін шығыршықпен емес, гимнастикалық ұршықпен орындаған жаттығуында көрсетті. Бұл бағдарламада ол 9-орынға ие болды. Финалға тек үздік сегіз гимнаст жолдама алғандықтан, Ерекешева финалдың бірінші резервтегі қатысушысы атанды.

Гимнаст Ақмарал Ерекешева Грекиядағы турнирде алтын медаль жеңіп алды

Спортшы шеңбермен жаттығуда 13-орын, лентамен орындауда 15-орын, доппен жаттығуда 18-орын иеленді. Жеке көпсайыс қорытындысы бойынша ол 11-сатыға жайғасты.

Жарыста еліміздің тағы бір өкілі Айбота Ертайқызы лентамен жаттығуда үздік нәтижесін көрсетіп, 12-орын алды. Ал көпсайыста ол 32-орынға тұрақтады.

Астаналық гимнаст Испанияда екі медаль жеңіп алды

Топтық жарыстарда Қазақстан құрамасы 15-орын иеленді. Команда бес доппен орындалатын жаттығуда 19-орын, ал үш шығыршық және екі жұп гимнастикалық ұршықпен орындалатын бағдарламада 12-орынға жайғасты.

Еске сала кетейік, бұған дейін Ақмарал Ерекешева Францияның Тье қаласында өткен халықаралық Гран-при турнирінде қола жүлде иеленген болатын.