Гонконг ЖИ ді мемлекеттік секторға транформациялау үшін миллиардтаған инвестиция салып жатыр

2026–2027 жылдарға арналған бюджет жоспары бойынша баяндамада қаржы ведомствосының басшысы мақсатқа жету үшін «AI+» және өнеркәсіпті дамыту стратегиясы жөніндегі комитет құрып, оған жеке өзі жетекшілік ететінін мәлімдеді. Үкімет ірі тілдік модельдер, жаңа материалдар және биомедицина бағытындағы әзірлемелерді субсидиялауға 3 млрд гонконг долларын (383,6 млн АҚШ доллары) бөлді.

2026 жылдың екінші жартысында Hong Kong Artificial Intelligence Research and Development Institute операциялық қызметін бастайды. Институт ғылым мен бизнес арасындағы көпір қызметін атқарып, ғылыми зерттеу және тәжірибелік конструкторлық жұмыстардың (ҒЗТКЖ) нәтижелерін коммерцияландыруға және цифрлық ортадағы ережелерді қалыптастыруға қатысады.

Сэнди-Ридж аумағында жалпы ауданы 250 мың шаршы метр болатын деректерді өңдеу орталықтары кластерін іске қосу жоспарланған. Инфрақұрылымдық база дайындалып жатыр.

Киберқауіпсіздікке басымдық берілген. Hong Kong Monetary Authority банк секторын автоматтандырылған шабуылдардан қорғау үшін «AI-ға қарсы AI» тұжырымдамасын сынақтан өткізе бастады. Билік жастар мен тұрғындарды оқытуға 50 млн гонконг доллары (шамамен 6,4 млн АҚШ доллары) бөлмек. Ауқымды цифрландыру шаралары қала тұрғындарының өміріне де ісер етеді.

Мемлекеттік қызметтің цифрлық трансформациясын жеделдетуге 100 млн гонконг доллары (шамамен 12,8 млн АҚШ доллары) қарастырылған. Негізгі бағыттар: жол қозғалысын ЖИ арқылы мониторингтеу және басқару, кадр іріктеу үдерістерін оңтайландыру, көшкін қаупін талдау және су тасқынын болжау.

Осыған дейін Гонконгтің генеративті ЖИ-ді жаңа салалар бойынша кеңейтіп жатқаны туралы жаздық.