Гонконгта көпқабатты үйлердегі өрт құрбандары 128 ге жетті

Гонконгтің Тай По ауданындағы көпқабатты тұрғын үй кешенінде болған өрттен қаза тапқандар саны 128 адамға жетті деп хабарлайды АА.

Қауіпсіздік министрі Крис Танның айтуынша, қаза тапқандар арасында бірнеше өрт сөндіруші бар. Кешенде шамамен 4 мың адам тұратыны болжанып, өртті сөндіру шамамен екі тәулікке созылды.

Құтқарушылар әлі де 25 орынға жетіп, сигнал берген адамдарға көмек көрсете алмай отыр. Өрттен 70-тен астам адам зардап шекті, олардың ішінде 11 адам өрт қызметінің қызметкері. Шамамен 900 тұрғын эвакуацияланып, уақытша баспанаға орналастырылды.

Өрт 26 қараша күні күндіз Wong Fuk кешенінде (1900-ден астам пәтер) шықты. Өрт тез таралған, себебі ғимаратты жөндеу кезінде қолданылған бамбук тіректер мен тез жанатын жылу оқшаулағыш материалдар өртенуге ықпал етті.

Оқиғаға байланысты полиция үш адамды ұстады: екі мердігер компаниясының жетекшісі мен инженер-консультант. Оларға "саналы түрде өлімге себеп болу" айыбы тағылды.

Гонконгта бұл 17 жыл ішінде алғаш рет ең жоғары – бесінші – өрт деңгейі жарияланған жағдай болды. Өрт салдарынан болған қаза саны бойынша бұл соңғы 70 жылдағы ең қантөгісті оқиғаға айналды.

Бүгін, 15:32