Грузияда Қазақстанда соғылған коллекциялық монета таныстырылды

АСТАНА, 12 қаңтар – Sputnik. Грузия Ұлттық банкі номиналы 1 лари болатын жаңа коллекциялық күміс монетаны таныстырды.

© Photo : Нацбанк ГрузииГрузия Ұлттық банкі "Гандбол 2026" коллекциялық монетасын шығарды

Грузия Ұлттық банкі "Гандбол 2026" коллекциялық монетасын шығарды

© Photo : Нацбанк Грузии

Ол Грузия ұлттық гандбол құрамасының 2026 жылғы Еуропа чемпионатына қатысуына және Ұлттық гандбол федерациясының құрылғанына 70 жыл толуына арналған. Монета Қазақстанда соғылды.

"Гандбол 2026" монетасының дизайн эскизін Грузия гандбол федерациясы Ұлттық банкпен бірлесіп дайындады. Ал монеталар Қазақстанның монета сарайында эксклюзивті технологияларды қолдана отырып соғылды", - деп хабарлады банк.

Монеталар 3000 дана тиражбен шығарылды, бөлшек сауда бағасы –200 лари немесе 37 800 теңге. Монеталарды 12 қаңтардан бастап ресми сайттан сатып алуға болады.

© Photo : Нацбанк ГрузииГрузия Ұлттық банкі "Гандбол 2026" коллекциялық монетасын шығарды

Грузия Ұлттық банкі "Гандбол 2026" коллекциялық монетасын шығарды

© Photo : Нацбанк Грузии

Сату басталғаннан кейінгі алғашқы үш күнде шектеу қолданылады: осы кезеңде бір адам бір ғана монета сатып ала алады.