Батырдың 100 жылдығы: Қазақстанда Әлия Молдағұлованың құрметіне монета шығарылды

Қазақстан Ұлттық Банкі (бұдан әрі – ҚҰБ) Ұлы Отан соғысының қатысушысы, Кеңес Одағының Батыры Әлия Нұрмұхамбетқызы Молдағұлованың туғанына 100 жыл толуына орай «Есте қалатын оқиғалар мен біртуар адамдар» сериясынан ÁLIYA MOLDAǴULOVA. 100 JYL коллекциялық монеталарын айналысқа шығарады.

Коллекциялық монеталар 2025 жылғы 15 қазаннан бастап ҚҰБ-тың https://kazcoins.nationalbank.kz интернет-дүкені арқылы сатылады.  

Brilliant uncirculated дайындау сапасымен, мельхиор (МН 25) қорытпасынан жасалған номиналы 200 теңгелік монеталардың салмағы 15 грамм, диаметрі 33 мм, таралымы 10 000 (он мың) дана.

Монета дизайнында батыр бейнесі портрет түрінде бейнеленген.

Барлық монета Қазақстан Республикасының бүкіл аумағында өзінің белгіленген құнына сай төлемнің кез келген түрінде қабылдануға міндетті. Сондай-ақ оларды елдегі барлық банкте банк шоттарына аударуға, ұсақтауға және айырбастауға болады.

Коллекциялық монеталар Қазақстан теңге сарайында дайындалды.

Бүгін, 14:33