Ғылым, инновация және мәдениет: Айгүл Сәдуақасова неге бұл құндылықтар Конституцияның негізін құрайтынын айтты

Конституциялық реформа жөніндегі комиссияның тоғызыншы отырысында Философия, саясаттану және дінтану институтының директоры Айгүл Сәдуақасова жаңа Ата Заң жобасын талқылау ашық және сындарлы түрде өтіп жатқанын айтты, деп хабарлайды Egemen.kz.  

Оның айтуынша, диалогқа сарапшылар ғана емес, қарапайым азаматтар да қосылды, өйткені мәселе жай заңи құжат жайлы емес, елдің даму бағытын ондаған жылдарға айқындайтын Ата Заң жайында.

Ол жаңа Конституция жобасында адами капитал, ғылым, инновация, шығармашылық еркіндігі және цифрлық қауіпсіздік сияқты болашаққа қатысты тақырыптар көбірек қозғалып жатқанына назар аударды. Оның айтуынша, құжатта болашаққа бағдарлану тұрғысынан ерекше маңызды үш негізгі басымдықты бөліп қарауға болады.

Нұрлыбек Нәлібаев: Экологиялық нормалар өңірлер үшін басты басымдық

Бірінші мәселе мәдениет, білім, ғылым және инновация құндылықтарын Преамбулада бекітуге, сондай-ақ адами капиталды мемлекет қызметінің стратегиялық бағыты ретінде тануға байланысты.

«Мәдениет пен білім, ғылым мен инновация құндылықтарын Преамбулада бекіту, сондай-ақ адами капиталды мемлекет қызметінің стратегиялық бағыты ретінде тану ұлттың жаңа сапасы мен ақылды экономиканы дамытудың Конституциялық негізін құрайды», деді ол.

Екінші маңызды мәселе – ғылым мен инновацияны дамыту жаңа типтегі адамдарсыз, яғни, тек білім жиынтығы бар мамандар емес, сыни тұрғыдан ойлауға, жаңаны жасауға және өз жұмысының нәтижелерін қорғауға қабілетті азаматтарсыз мүмкін еместігінде. Конституция жобасында – бұл орта және жоғары білім алу құқығының, сөз бостандығының, ғылыми және шығармашылық көріністің, сондай-ақ зияткерлік еңбекті қорғаудың кепілдіктерін қамтитын жеке тұлғаны дамытудың тұтас траекториясы ретінде көрінеді.

Бақыт Нұрмұханов: Жаңа Конституцияның жобасына теңгені ұлттық валюта ретінде бекітетін норма енгізілді

Бұл нормалар оның пікірінше, Қазақстан шетелде оқитын студенттер саны бойынша әлемдік көшбасшылардың қатарына кіруі аясында ерекше маңызға ие болып келеді. Алайда білім берудің ұтқырлығы емес, мемлекеттің олардың әлеуетін ел ішінде іске асыру үшін жағдай жасау қабілеті маңызды.

Ол назар аударған үшінші мәселе жаңа ұрпаққа қатысты. Айгүл Сәдуақасованың айтуынша, Қазақстанда қазір демографиялық өсім байқалып отыр, ел халқының 30%-дан астамын балалар мен жастар құрайды. Дәл осы тұрғыдан алғанда Конституцияның жаңа редакциясы мемлекеттік құрылым туралы құжат ретінде ғана емес, сонымен қатар цифрлық дәуірдегі өмірге кепілдік беру жүйесі − дербес деректерді қорғау, жеке өмірге қол сұғылмаушылық және электрондық коммуникациялардағы қауіпсіздік ретінде де маңызды.

Айгүл Сәдуақасова сөзін қорытындылай келе, жаңа Конституцияның жобасы тарихи, зияткерлік және технологиялық жаңа дәуірге жасалған қадамға айналатынын атап өтті. Ғылымның, инновацияның, мәдениет пен білімнің басымдығын бекіте отырып, еліміз білімге, адами әлеуетке және Тәуелсіздіктің құндылықтарына негізделген орнықты дамудың іргетасын қалыптастырады.

Әділ еңбек, қауіпсіз жұмыс, лайықты жалақы: Максим Рожин жаңа Конституцияның маңызды тұсын атады

Соңғы жаңалықтар

Ерлан Қарин: Еліміз алғашқылардың бірі болып цифрлық деректерді қорғау нормасын Ата Заңға енгізіп отыр

Ата заң • Бүгін, 17:56

Жапонияда жауған қалың қар салдарынан 40-тан астам адам қаза тапты

Әлем • Бүгін, 17:32

«Көмбенің» көмескі ізі: Ұмытылып бара жатқан ұлттық ойын

Спорт • Бүгін, 17:15

Жаңа Конституция мәтінін Брайль қарпімен жазу ұсынылды

Ата заң • Бүгін, 17:01

Конституциялық комиссияда жаңа Ата Заңды бүкілхалықтық референдумға шығару ұсынылды

Ата заң • Бүгін, 16:57

Аида Балаева: Конституция қоғамның ортақ құндылықтары мен жауапкершілігін айқындайды

Ата заң • Бүгін, 16:45

Сыр өңірінде шибөрі неге көбейді?

Аймақтар • Бүгін, 16:38

Әділ еңбек, қауіпсіз жұмыс, лайықты жалақы: Максим Рожин жаңа Конституцияның маңызды тұсын атады

Ата заң • Бүгін, 16:22

«Волонтерлік» ұғымын Конституцияда бекіту ұсынылды

Ата заң • Бүгін, 16:12

Бір апта ішінде 100-ге жуық адам қар құрсауынан құтқарылды

Оқиға • Бүгін, 16:01

Бақыт Нұрмұханов: Жаңа Конституцияның жобасына теңгені ұлттық валюта ретінде бекітетін норма енгізілді

Ата заң • Бүгін, 15:54

Мемлекет басшысы Жапония Премьер-министріне көңіл айту жеделхатын жолдады  

Президент • Бүгін, 15:50

Нұрлыбек Нәлібаев: Экологиялық нормалар өңірлер үшін басты басымдық

Экология • Бүгін, 15:35

Бүгін Конституциялық комиссияның кезекті тоғызыншы отырысы өтіп жатыр

Ата заң • Бүгін, 15:03

Елдегі несие көлемі 25 трлн теңгеге жуықтады

Несие • Бүгін, 14:48

Барлық жаңалықтар