Halyk Bank пен Қытайдың Экспорттық импорттық банкі қазақстандық компанияларды қаржыландыру туралы уағдаласты

Тартылған қаражат көлемі 1,45 млрд қытай юанін құрайды және ол Қытай Халық Республикасынан тауарлар, қызметтер мен технологияларды импорттайтын қазақстандық компанияларды кредиттеуге бағытталатын болады.

Банкте атап өткендей, Қытайдың Экспорттық-импорттық банкімен жасалған бұл келісім Halyk-тің экономиканың нақты секторы үшін негізгі қаржылық серіктес ретіндегі рөлін нығайтудағы маңызды қадам болып табылады.

Аталған мәміле банктің қорландыру көздерін әртараптандыруына және соның нәтижесінде бизнес-клиенттер үшін қолжетімді қаржылық шешімдер желісін кеңейтуіне мүмкіндік берді. Halyk несиелеудің неғұрлым тиімді шарттарын ұсынуға мүмкіндік алады. Бұл кәсіпорындардың инвестициялық белсенділігін ынталандырып, клиенттердің операциялық қызметінің тиімділігін арттырады және сол арқылы Қазақстанның экономикалық дамуына үлес қосады.

«Halyk бизнестің өсуіне, жаңғыртуына және тиімділігін арттыруына мүмкіндік беретін қолжетімді қаржы құралдарымен қамтамасыз етуге ұмтылады. Бұған дейін, 2024 жылы, банк 300 млн АҚШ долларына синдикатталған қарыз тартып, KASE алаңында 20 млрд теңге көлемінде “жасыл” облигацияларды орналастырған болатын. Қытайдың Экспорттық-импорттық банкімен жасалған бұл мәміле банктің валюталар, құралдар және тарту көздері бойынша қорландыру базасын әртараптандыру жолындағы кезекті қадамы болып табылады», – деп атап өтті Halyk Bank Басқарма төрағасының орынбасары Мұрат Көшенов.

Анықтама:

Halyk Bank – банктік, сақтандыру және лизингтік қызметтердің, брокерлік қызметтердің, активтерді басқару және өмір салты (lifestyle) қызметтерінің кең спектрін ұсынатын жүйе құраушы әмбебап коммерциялық банк.

Halyk Bank 1998 жылдан бастап Қазақстан қор биржасында (KASE), 2006 жылдан бастап Лондон қор биржасында (LSE) және 2019 жылдан бастап Астана халықаралық биржасында (AIX) листингтен өткен.

Halyk Bank – 2025 жылғы 30 қыркүйектегі жағдай бойынша жиынтық активтері шамамен 20,4 трлн теңгені құрайтын Қазақстандағы ең ірі банк. Банк елдегі ең ірі клиенттік базалардың біріне және ең кең тармақталған филиалдық желіге ие: республика бойынша 540 филиал мен сервистік бөлімше жұмыс істейді. Сонымен қатар, Halyk өз қызметін Грузия мен Өзбекстанда жүзеге асырады.

Halyk Bank-тің сенімділігі мен қаржылық тұрақтылығы жетекші халықаралық рейтингтік агенттіктердің инвестициялық деңгейдегі рейтингтерімен расталған:

Moody’s Investors Service – Baa1 (болжам: тұрақты);

Standard & Poor’s – BBB- (болжам: тұрақты);

Fitch Ratings – BBB- (болжам: тұрақты).

Қытайдың Экспорттық-импорттық банкі туралы:

Қытайдың Экспорттық-импорттық банкі (The Export-Import Bank of China) – сыртқы экономикалық қызметті, халықаралық сауданы және инвестициялық жобаларды қолдауға бағытталған мемлекеттік даму банкі. Банк бүкіл әлемдегі компаниялар мен қаржы институттарын қаржыландырып, орнықты экономикалық байланыстардың дамуына ықпал етеді.