IBF пен WBO арасында қайшылық: Әлімханұлының чемпиондық мәртебесі неге бос қалды

Бұған дейін орта салмақта IBF нұсқасы бойынша әлем чемпионы атанған қазақстандық Жәнібек Әлімханұлы аталған ұйымның шешімімен чемпиондық белбеуінен айырылды.

Бұл шешім Қазақстанның кәсіпқой бокс федерациясы (ҚКБФ) халықаралық талаптарға сәйкес жүргізген тексеру қорытындысына байланысты қабылданған.

Сонымен қатар Дүниежүзілік бокс ұйымы (WBO) осы тексеру нәтижелерін ескере отырып, Жәнібек Әлімханұлына тиесілі әлем чемпионы атағын өз нұсқасы бойынша сақтап қалды.

Алайда ұйым боксшыға 2026 жылдың желтоқсанына дейін жекпе-жек өткізуге тыйым салды.
Жәнібек Әлімханұлы дисквалификация мерзімін өтеп жатқанына қарамастан, WBO нұсқасы бойынша әлем чемпионы болып қала береді. Алайда IBF бұл мәселеде теріс пікірде.

Федерацияның жаңартылған рейтингінде WBO тұжырымы бойынша әлем чемпионы атағы «бос» деп көрсетілген. Ал WBO ұйымының ресми сайтында Жәнібек Әлімханұлы әлі де әлем чемпионы ретінде тіркелген. 

Бұған дейін Халықаралық бокс федерациясы (IBF) қазақстандық боксшы Жәнібек Әлімханұлының орта салмақтағы әлем чемпионы титулын алып тастау туралы қатаң шешім қабылдаған еді.