Иранның жаңа басшысы кім? Хаменеидің қазасынан кейін жаңа көшбасшы тағайындалды

Иранда елдің Жоғарғы көшбасшысы қызметін уақытша атқарушы болып аятолла Әлиреза Арафи тағайындалды, – деп хабарлайды Aikyn.kz

Бұл шешім Әли Хаменеи қаза тапқаннан кейін қабылданды. Times of Israel мәліметінше, уақытша басқару кеңесінің құрамына сондай-ақ президент пен сот билігінің басшысы кіріп, елді Сарапшылар ассамблеясы тұрақты көшбасшыны сайлағанға дейін басқарады.

Әлиреза Арафи — ирандық шиит дін қайраткері және діни білім беру саласының өкілі. Ол 2009–2018 жылдары Ислам Республикасының идеологиясын насихаттаумен айналысатын «Ал-Мустафа» халықаралық діни институтын басқарған. Арафи атеизм мен христиан дінін сынап, оларды пұтқа табынудың бір түрі деп бағалаған. Сонымен қатар ол діни насихат және білім беру қызметімен айналысқан тұлға ретінде белгілі.