Кәсіпкерлер Абай ауылындағы мектептің едені мен терезесін жаңартып берді

Қарқаралы ауданының Абай ауылында туып-өскен кәсіпкерлер «Туған жерге тағзым» жобасы аясында туған өлкесін қолдауды жүйелі түрде жалғастырып келеді. Natige компаниясының басшысы Ерлан Әшім мен Toi Grand мейрамханасының иесі Ербол Қайса ауылына жыл сайын көмек береді, деп жазады Egemen.kz.

Абай ауылдық округінің 70 жылдық мерейтойы қарсаңында олар жергілікті мектептің материалдық-техникалық базасын жаңартуға маңызды үлес қосты.

Ерлан Әшім мектеп спорт залының еденін толықтай ауыстыруды және заманауи жөндеуді қаржыландырса, Ербол Қайса оқу ғимаратына 40 жаңа терезе орнатты.

Жаңартылған мектепте мерейтойға арналған іс-шаралар мен спорттық жарыстар өтіп үлгерді. Тұрғындар мұндай игі істер ауылдағы өмір сапасын жақсартып қана қоймай, ұрпақтар арасындағы байланыс пен жауапкершілікті нығайта түсетінін айтады.

Қарағанды облысы