Кескен күйік қалашығының тарихи кезеңі нақтыланды

Қалашық біздің заманымыздағы бесінші ғасырда бой көтеріп, 700 жылдай тұрған.  

Бұл дерек радиокөміртектік сараптама нәтижесінде дәлелденді,-дейді зерттеушілер. Археологтар биыл алғаш рет қаланың орталық бөлігінде қазба жұмыстарын жүргізді. Биіктігі 1,6 метрден асатын  қабырғаларды тапты. Сондай-ақ биыл археоботаникалық зерттеу барысында жергілікті халықтың егіншілікпен айналысқаны және асқабақ өсіргені белгілі болды.

Дмитрий Воякин, археолог:

-  Біз асқабақтың бөтелке пішінді түрі өсірілгенін анықтадық. Ол сол кезде ыдыс ретінде де, музыкалық аспап ретінде де кеңінен қолданылған. Бұған дейін біз мұндай өсімдік орта ғасырларда өсірілгенін білмеген едік. Ал енді нақты дәлелдеріміз бар. Зертханалық талдаулар жалғасуда және жақын уақытта сол дәуір халқының тағам рационы, шаруашылық қызметі жөнінде толық мәлімет ұсынатын боламыз.