Ким Чен Ын КХДР Еңбек партиясының бас хатшысы қызметіне қайта сайланды

Кореяның Орталық телеграф агенттігінің мәліметінше, партияның IX съезі «партияны нығайту, дамыту және ұлттың өркендеуін қамтамасыз ету мақсатында жолдас Ким Чен Ынды бас хатшы қызметіне қайта сайлау туралы» шешім қабылдаған.

Агенттік партия мүшелері, халық пен әскер тарапынан бұл шешімге «толық қолдау» білдірілгенін атап өтті.

Шешім Корея Халық Демократиялық Республикасының Еңбек партиясы съезінің төртінші күні қабылданды. Съезд қорытындысы бойынша алдағы бес жылға арналған мемлекеттік саясаттың негізгі бағыттары айқындалады деп күтіліп отыр. Олардың қатарында экономика, қорғаныс және сыртқы байланыстар мәселелері бар.

Айта кетейік, Ким Чен Ын қызын мұрагер ретінде дайындап жатыр. 

Сондай-ақ КХДР көшбасшысы Ким Чен Ын президент статусын алуы мүмкін.